مونږ په خپل کار کې د لاندې ارزښتونو پيروي کوو:

بې پرېتوب

مونږ د نړيوالو بشر حقونو د اصولو او ارزښتونو کارپوهان يوو. مونږ دغه تخصص په خپلو ټولو فعاليتونو کې کاروو. موږ ډاډ ترلاسه کوو چې کار مو له شخصي پلويتوب څخه پاک وي. زمونږ چلند تل د دې جهاني اصولو او ارزښتونو پيروي کوي.

نوښت يا تنوع ته درناوی

مونږ په هغو ډېرو تفاوتونو پوهيږو چې په افغانستان کې شته، لکه په مخينه، تجربه او ليدلورو کې تفاوتونه. موږ خپل تفاوتونه او توپيرونه منو او درناوی ورته لرو. موږ باور لرو چې تنوع يو ارزښت او د پياوړتيا ټکی دی. موږ د تنوع منندوی يوو، او د خپل ټيم او ليدلوري له تنوع څخه استفاده کوو.

شموليت

موږ باور لرو چې هر څوک د هغه وړتيا، جنس، جنسيت، قوميت، دين او/يا سياسي تړلتيا ته له کتلو پرته بايد ټولو سرچينو، فرصتونو او شتمنيو ته بابر لاسرسی ولري. موږ خپله ټوله هڅه کوو چې د هويت بېلابېل پوړونه کشف او درک کړو او په خپل تحليل کې يې ځای کړو. موږ دغه ښکېلتيا د يو بنسټي ارزښت په توگه منو، څو ډاډ ترلاسه کړو چې د څارنې او خپلو ټولو فعاليتونو د څارنې په کار کې په يوه بڼه ټولشموله عمل وکړو.

ريښتينولي

موږ باور لرو چې صداقت د ډلو د تشکيل او ډله ييز اقدام لپاره اړين دی. زموږ له نظره صداقت يعنې د هغه څه د حقيقت تبادله چې وينو يې، او له اجنډا پرته يې مستندول. موږ په خلاص مخ قربانيانو او د هغوی کورنيو ته غوږ نيسو. موږ د خپل کار په ټولو مراحلو کې او له هر تن سره چې کار کوو صادق يوو.

اعتماد

په يو هيله بښوونکي ليدلوري کې د هغه افغانستان لپاره چې په همکارۍ او پېرزوينې يې جوړوو، موږ هڅه کوو چې د افغانانو تر منځ اعتماد او اعتبار رامنځته کړو. موږ غواړو چې د افغانستان خلک پوه شي چې موږ ټولو ته غوږ نيسو. موږ هره ورځ کار کوو چې د خپل ټيم په منځ کې او له خپلو شريکانو سره اعتماد رامنځته کړو. موږ په بې پرېتوب، شموليت او صداقت سره اعتماد او باور رامنخته کوو.

آزادي

موږ باور لرو چې هر کس بايد بې له دې چې د بل چا ژوند، آزادۍ، يا د افرادو يا ډلو معاش ته ضرر ورسوي په آزاد ډول خپل تخصص وکاروي. موږ باور لرو چې هر کس حق لري د خپل ژوند سبک وټاکي، او موږ د ټولو لپاره پر دې آزادۍ باور لرو. موږ باور لرو هر کس بايد وتوانیږي له وېرې، تعصباتو، ستم، بې عدالتۍ او فقر پرته ژوند وکړي.

برابري او انصاف

موږ سره له دې چې د افغانستان د خلکو تفاوت او تنوع په رسميت پيژنو، باور لرو چې ټول د قوانينو پر وړاندې سره برابر دي. موږ د برابرۍ درناوی کوو او تبعيض که په هره بڼه او هر بنياد وي «نه» ورته وايوو. موږ هڅه کوو د خپل افغانستان د متنوعې ټولنې د اړتياوو لپاره منصفانه ځواب وړاندې کړو. موږ په افغانستان کې له بېلابېلو ډلو سره د تاريخي بې عدالتۍ اړوند ځان پوهوو، او د برخو تر منځ د توپير اړتياوې چې افراد او ډلې يې لري، په خپل کار کې تزريقوو.

زده کړه

موږ منو چې ممکن تېروتنه وکړو. موږ په فردي او سازماني بڼه پرله پسې زده کړې ته ژمن يوو. موږ منو چې له خلکو سره په تعاملاتو، په ځانګړي ډول هغو افغانانو سره چې د خدمت لپاره يې دلته يوو، ښه زده کړه کوو. موږ غواړو له تېرو تجربو، ماتو، زيانونو، او نيوکو زده کړه وکړو.