زمونږ په اړه

رواداري د بشري حقونو يو سازمان دی چي د ((برابر او سوله ييز افغانستان)) د لرليد په لرلو سره د بشري حقونو د کلتور د ودې او بنسټيز کولو په موخه، د خلکو په ځانګړي ډول د افغانستان د ښځو او نجونو د درد او کړاو د کمولو په موخه جوړ شوی دي.

رواداري هڅه کوي چي د افغانستان د بشري حقونو غورځنګ پياوړی کړي او هم د بشري حقونو د نقض په اړه عدالت او ځواب وينه وکړي. رواداري د افغانستان دننه او بهر کي د اړونده وګړو او بنسټونو سره همکاري کوي.

موږ څه کوو؟ زموږ اصول زمونږ ارزښتونه مشورتي پلاوی کارکوونکي بسپنه ورکوونکي کلنې راپورونه

موږ څه کوو؟

د بشري حقونو پراختيا

رواداري د افغانستان د بشري حقونو د پراختیا په موخه، خپل فعالیتونه او اړيکي د هيواد په داخل او بهر کي د نويو راڅرګنديدونکو بنسټونو او فعالینو سره پراخوې.

څارنه، مستندسازي او راپور ورکول

رواداري په افغانستان کي د بشري حقونو د سرغړونو په اړه د ښځو، انجونو او محرومو ډلو د حقونو د نقض په تمرکز سره موثق او پر وخت معلومات وړاندي کوي.

قرباني-محوره عدالت

د روادارۍ موخه داده چي د اجرا وړ ټولو قضايې او غیر قضايې میکانیزمونو څخه د ځواب ورکوونې د فضا د رامنځته کولو لپاره ګټه پورته کړي او په افغانستان کي د تاوتريخوالي د مرتکبینو لپاره د معافيت د ژور کلتور سره مبارزه وکړي.

زموږ د کار ډول

په افغانستان کي د بشري حقونو د نقض د مواردو اړوند د موثقو، پر وخت او هر اړخيزو معلوماتو راټولول.

د رسنيو او نورو دوديزو او نويو ابزارو په ځانګړي توګه د کلتوري او هنري کارونو څخه په ګټي اخيستني په افغانستان کي د بشري حقونو د ملاتړ لپاره د ملي او نړيوالي کچي پراختيا.

په ملي او سيمه آييزه کچه د پیوستون رامنځته کول او پياوړي کول او په ځانګړي توګه په افغانستان کي د بشري حقونو د ملاتړ اړتيا ته د اسلامي هيوادونو د پام اړول.

په افغانستان کي د بشري حقونو د اصولو او ارزښتونو د ساتني لپاره د ملي او نړيوالو بنسټونو سره ګډه عدالت غوښتنه. په افغانستان کي د بشري حقونو څخه د اغيزمن ملاتړ لپاره د بشري حقونو بين المللي جوړښتونو او ميکانيزمونو سره همکاري.

د قضايې او غير قضايې ځواب ويني د تامين لپاره د ټولو نړيوالو ميکانيزمونو په کاروني سره د مصؤنيت له ريښه لرونکي کلتور سره د مبارزي په موخه عدالت غوښتنه او دوامداره هڅې.

د افغانستان له ځانګړي ليدلوري د بشر حقونو له نړيوال بحث سره مرسته.

زموږ اصول

موږ په خپل ټولو کارونو او فعاليتونو کې، قرباني-محوره تګلوري تعقيبوو. موږ په خپل کار کې د محرمیت او راز ساتني اصل د رعايت او د خصوصي حریم د خونديتوب څخه ډاد تر لاسه کوو، په ځانګړي ډول د هغو اطلاعاتو او پېښو اړوند چې موږ ته روايت کېږی.

موږ د قربانیانو د هغوی د خپلوانو، همکارانو او نورو سرچېنو لخوا شریک شوي معلومات د دوی احتمالي حالت او د خپريدو پایلي بررسي کوو. موږ د همکارانو د امنيت او خونديتوب د ډاډ ترلاسه کولو وروسته معلومات حساسيت ته په کتني او په ټول دقت سره خپروو.

موږ په فعال ډول کور دننه او بهر کي، د افغانانو سره خپلې اړيکې پياوړي کوو. موږ همدارنګه هڅه کوو چي متحدين پيدا او په دي ډول د ګډ کار له لاري ګډو فعاليتونو ته زمینه رامنځته کړو.

موږ په دوامداره توګه د خپل کار عملي پايلي او اغېز يې پر قربانیانو د هغوی پر خپلوانو او نورو ډلو څېړو. موږ انعطاف پذیره یو او د دوی له اړتیاوو او غوښتنو سره همغږی کېږو.

زمونږ ارزښتونه

بې پرېتوب

موږ د بشري حقونو په برخه کي د پوه او مسلکي تجربو لرونکو کسانو ډله يو. موږ خپل دا تخصص په خپلو ټولو کارونو کي کاروو او دا ډاډ تر لاسه کوو چي زموږ کار د هر ډول مخکني قضاوت او شخصي اړخ نيوني څخه خلاص دی. زموږ تګلاره ددې اصولو او ارزښتونو څخه پيروي کوي.

توپيریا تنوع ته درناوی

موږ په افغانستان کي د موجوده توپيرونو څخه خبر يو، لکه د مخيني، تجربې او ليدلورو توپيرونه. موږ دا توپيرونه منو او هغو ته درناوی کوو، موږ باور لرو چي توپير يو ارزښت او د ځواک ټکی دی. موږ توپير ته ارزښت ورکوو او د خپل ټيم د توپير او د ليدلورو د توپير څخه ګټه اخلو.

شموليت

موږ باور لرو چې هر څوک د هغه وړتيا، جنس، جنسيت، قوميت، دين او يا سياسي تړلتيا ته له کتلو پرته بايد ټولو سرچينو، فرصتونو او شتمنيو ته برابر لاسرسی ولري. موږ خپله ټوله هڅه کوو چې د هويت بېلابېل پوړونه کشف او درک کړو او په خپل تحليل کې يې ځای کړو. موږ د دغه بنسټيز ارزښت پيروي کوو، څو ډاډ ترلاسه کړو چې د څارنې او خپلو نورو ټولو فعاليتونو په تر سره کولو کې په ټولشموله بڼه عمل وکړو.

ريښتينولي

موږ باور لرو چې رښتينولي د ډلو د رامنځته کيدو او ګډ کار لپاره اړينه ده. زموږ له نظره صداقت يا رښتينولي يعنې د هغه څه د حقيقت تبادله چې وينو يې، او له اجنډا پرته يې مستند ؤ. موږ په بشپړ صبر او زغم سره، قربانيانو ته غوږ نيسو او د خپل کار په ټولو مراحلو کې له هر چا سره چې کار کوو رښتيني يوو.

باور

د افغانستان لپاره د داسي هيله بښوونکي ليدلوري په لرلو سره چې د يو او بل په همکارۍ او پېرزوينې يې جوړوو، موږ هڅه کوو چې د افغانانو تر منځ باور او اعتبار رامنځته کړو. موږ غواړو چې د افغانستان خلک پوه شي چې موږ ټولو ته غوږ نيسو. موږ هره ورځ کار کوو چې د خپل ټيم په منځ کې او له خپلو شريکانو سره اعتماد رامنځته کړو. موږ په بې پرېتوب، شموليت او صداقت سره اعتماد او باور رامنخته کوو.

زده کړه

موږ منو چې ممکن تېروتنه وکړو. موږ په فردي او سازماني بڼه پرله پسې زده کړو ته ژمن يوو. موږ منو چې له خلکو سره په تعاملاتو کي، په ځانګړي توګه هغو افغانانو سره چې د هغوي لپاره د خدمت هڅې کوو، ښه زده کړه وکړو. موږ غواړو له تېرو تجربو، ماتو، زيانونو، او نيوکو زده کړه وکړو.

آزادي

موږ باور لرو چې هر څوک بايد بې له دې چې د بل چا ژوند، آزادۍ، يا د افرادو يا ډلو معاش ته ضرر ورسوي په آزاد ډول خپل تخصص وکاروي. موږ باور لرو چې هر څوک حق لري د خپل ژوند ډول وټاکي، او موږ د ټولو لپاره پر دغه آزادۍ باور لرو. موږ باور لرو، هر څوک بايد وتوانیږي له وېرې، توپيري چلندونو، ستم، بې عدالتۍ او فقر پرته ژوند وکړي.

برابري او انصاف

موږ سره له دې چې د افغانستان د خلکو تفاوت او تنوع په رسميت پيژنو، باور لرو چې ټول د قانون په وړاندې برابر دي. موږ د برابرۍ دفاع کوو او توپيري چلند که په هره بڼه او هر بنياد وي «نه» ورته وايوو. موږ هڅه کوو د افغانستان د متنوع ټولنې د اړتياوو لپاره منصفانه ځواب وړاندې کړو. موږ ځان ته په افغانستان کې له بېلابېلو ډلو په وړاندي د تاريخي او دوامدارو بې عدالتيو اړوند زده کړي ورکوو، او د بېلابېلو ډلو او افرادو اړتياوي په خپل کار کي د يو رښتني درک په توګه شاملوو.

مشورتي پلاوی